لاہور (نامہ نگار) پیپلز پارٹی وسطی پنجاب کے صدر راجہ پرویز اشرف نے کہا ہے کہ وزیراعظم کب تک اپنی ناکامیوں کا ملبہ سیاسی مخالفین پر ڈالتے رہیں گے؟ آپ کی ٹیم کے کارنامے اور سکینڈل آپ کی تباہی کا باعث ہیں۔ ساڑھے 3 برس بعد آپ الزامات لگا رہے ہیں‘ اب تو میچور ہو جائیں۔آپ کا ہر وعدہ جھوٹا نکلا، قوم کو ایک کروڑ نوکریاں ملیںاور نہ ہی50لاکھ گھر ملے۔ عوام کو روٹی کے لالے پڑ گئے۔ دریں اثناء سابق وزیراعظم راجہ پرویز اشرف نے کرسچن کالونی گرین ٹاؤن میں  کرسمس تقریب میں شرکت کی اور کیک کاٹا، مسٹر ایند مسز آصف رضا بیگ کے زیراہتمام تقریب میں مسیحی برادری میں تحائف اور راشن بھی تقسیم کیا گیا، تقریب میں اسلم گل، ذوالفقار علی بدر، عثمان ملک، احسن رضوی اور ذیشان شامی‘ شیخ عرفان، عائشہ شفیع، قیصر منظور، صابر بخاری، حسین ترمزی، سلیم مسیح بھٹی، ندیم منظور رانا ذوالفقار، شیخ عرفان احمد، ماہ عالم، سلیم قادری، صابر شاہ اور عمران سلیم نے بھی شرکت کی۔