چنیوٹ، لاہور( نمائندہ نوائے وقت ،این این آئی) دھند کی وجہ سے ٹرینوں کا شیڈول گزشتہ روز بھی بری طرح متاثر رہا۔ مسافر ٹرینیں گھنٹوں تاخیر کا شکار ہونے کی وجہ سے مسافروں کو شدید مشکلات درپیش رہیں۔ شاہ حسین ایکسپریس 5گھنٹے 30منٹ، کراچی ایکسپریس 5 گھنٹے، رحمان بابا ایکسپریس 2گھنٹے30 منٹ، عوام ایکسپریس، پاک بزنس ایکسپریس، تیز گام، ملت ایکسپریس، جعفر ایکسپریس اور علامہ اقبال ایکسپریس 2گھنٹے تاخیر، قراقرم ایکسپریس اور پاکستان ایکسپریس 1گھنٹہ40منٹ‘ گرین لائن ایکسپریس 1 گھنٹہ 30منٹ اور سرسید ایکسپریس 1 گھنٹہ 20منٹ تاخیر کا شکار رہی۔ چنیوٹ میں دھند کے باعث 24گھنٹوں میں 14روڈ ٹریفک حادثات ہوئے جن میں 13مرد اور 5خواتین زخمی ہوگئیں۔ اطلاع ملتے ہی ریسکیو1122کے عملے نے زخمیوں کو طبی امداد کے لیے ہسپتال پہنچایا۔