لاہور(سپورٹس ڈیسک )ایشیز سیریز کے دوسرے ٹیسٹ میچ میں بھی آسٹریلیا نے مہمان انگلینڈ کو شکست دیدی، فاتح ٹیم کے مانس لابوشین کو میچ کا بہترین کھلاڑی قرار دیا گیا۔ایڈیلیڈ میں کھیلے گئے دوسرے ٹیسٹ میچ میں آسٹریلیا نے مہمان ٹیم کو جیت کیلئے468 رنز کا ہدف دیا تھا تاہم انگلینڈ کی ٹیم 192 رنز تک محدود رہی اور میزبان ٹیم نے میچ 275 رنز سے جیت لیا۔میزبان ٹیم نے پہلی اننگز 9 کھلاڑی آئوٹ پر 473 رنز پر ڈیکلیئر کی تھی۔انگلینڈ ٹیم پہلی اننگز میں236 رنز بناکر آئوٹ ہوگئی تھی۔دوسری اننگز کا کھیل شروع کرنے سے قبل میزبان ٹیم کو 237 رنز کی برتری حاصل ہوگئی تھی، آسٹریلیا نے اپنی دوسری اننگز بھی 9 کھلاڑی آئوٹ پر 230 رنز پر ڈیکلیئر کردی تھی اور مہمان ٹیم کو جیت کیلئے 468 رنز کا ہدف دیا تھا۔ مانس لابوشین اور ٹریوس ہیڈ نے 51،51 رنز کی اننگز کھیلی۔انگلینڈ کی ٹیم دوسری اننگز میں 192 رنز پر آؤٹ ہوگئی، کرس ووکس 44 اور روری جوزبٹلر 34 رنز بناکر نمایاں رہے۔ جھے رچرڈسن نے 5 اور مچل سٹارک نے دو کھلاڑیوں کو آؤٹ کیا۔ پہلے ٹیسٹ میچ میں آسٹریلیا نے انگلینڈ کو 9 وکٹوں سے شکست دی تھی۔