اسلام آباد (اپنے سٹاف رپورٹر سے) تھانہ شالیمار پولیس نے میٹرک کی طالبہ کو زیادتی کا نشانہ بنانے کے درج مقدمے میں ملزم فرحان اور اس کے دوست کرکٹر یاسر شاہ کے خلاف تفتیش کئی پہلوئوں سے شروع کر دی۔ پہلے مرحلے میں مدعیہ سمیرا سکنہ ایف ٹین تھری، متاثرہ طالبہ فرح، مقدمے میں نامزد کرکٹر یاسر شاہ اور فرحان کے موبائل فونوں کی کال ڈیٹا ریکارڈ حاصل کیا جا رہا ہے تاکہ الزامات اور محل وقوع کی چھان بین کی جا سکے۔ اس  میں موبائل فونوں پر گفتگو کی فرانزک کرائی جائے گی جبکہ متاثرہ طالبہ اور ملزم فرحان کے میڈیکل ٹیسٹ بھی ہوں گے۔ مدعیہ مقدمہ اور ایف آئی آر میں نامزد کرکٹر یاسر شاہ کی ٹیلیفونک گفتگو، تصاویر، گفتگو کے مختلف ایام کے دورانئے سمیت دیگر شواہد یکجا کئے جائیں گے۔ تفتیشی افسر اس کیس کی گتھی تیزی سے سلجھانے اور اسے حتمی سمت دینے کیلئے سر جوڑے بیٹھے ہیں۔
فرانزک