پشاور+ اسلام آباد (اپنے  سٹاف رپورٹر سے+ نوائے وقت رپورٹ) باڑہ قدیم پشاور کی چیک پوسٹ پر ملزمان کی فائرنگ سے پولیس اہلکار شہید ہو گیا۔ پولیس اہلکار کی نعش لیڈی ریڈنگ ہسپتال منتقل کر دی گئی۔ دوسرے واقعہ میں  تھانہ سہالہ کی حدود میں نامعلوم موٹر سائیکل سواروں نے پولیس پارٹی پر فائرنگ کردی جس سے دو پولیس اہلکار شدید زخمی ہو گئے۔ کانسٹیبل ذاکر کی حالت تشویشناک بتائی گئی ہے۔ ایگل سکواڈ کے جوان جی ٹی روڈ پر سنیپ چیکنگ کررہے تھے۔ مشکوک موٹرسائیکل کو روکنے کی کوشش کی تو  سواروں  نے پولیس  پر فائرنگ کردی۔ اہلکار ذاکر اور یاسر زخمی ہوگئے۔