لاہور(سپورٹس رپورٹر) اے سی سی مینز انڈر19 ایشیا کپ کے افتتاحی میچ میں پاکستان نے افغانستان کو 4 وکٹوں سے ہرادیا۔ فاتح  ٹیم نے 53 رنز کا ہدف 16.4 اوورز میں 6 وکٹوں پر حاصل کرلیا۔معاذ صداقت 14 ‘ حسیب اللہ 11 رنز بناکر ٹاپ سکورر رہے، عبدالواحد بنگلزئی 9، محمد شہزاد اور قاسم اکرم صفر، صفرجبکہ عرفان نیازی 4 اور رضوان محمود 2 رنز بناکر آؤٹ ہوئے۔نور احمد نے 3 جبکہ بلال سمیع نے 2 کھلاڑیوں کو آؤٹ کیا۔ افغانستان انڈر 19 ٹیم نے ٹاس جیت کر پہلے بیٹنگ کا فیصلہ کیا ‘ ٹیم 23.1 اوورز میں 52 رنز پر ڈھیر ہوگئی۔احمد خان نے 3 ‘اویس علی اور ذیشان ضمیر نے 2، 2 کھلاڑیوں کو آؤٹ کیا۔ نانگیالیا 15 رنز بناسکے۔قومی ٹیم دوسرا میچ بھارت کیخلاف کل کھیلے گی۔بھارت نے متحدہ عرب امارات کو 154رنز سے شکست دیدی ۔ بھارتی ٹیم نے 5وکٹوں پر 282رنز بنائے ۔ اماراتی ٹیم 128رنز پر آئوٹ ہو گئی ۔ سری لنکا نے کویت کو 274رنز سے ہرا دیا ۔سری لنکن انڈر19ٹیم نے 5وکٹوں پر 323رنز بنائے ۔   کویتی انڈر 19ٹیم 17.3اوورز میں 49رنز پر ڈھیر ہو گئی ۔