لاہور(سپورٹس ڈیسک ) ٹوٹنہم سپیورز اور ویسٹ ہام یونائٹیڈ کے درمیان فٹ بال میچ کے دوران شائقین جھگڑ پڑے ‘سکیورٹی اہلکاروں نے پانچ شائقین کو گرفتار کرلیا ۔ ٹوٹنہم نے ویسٹ ہام کو دو ایک سے شکست دے کر کارا بائو کپ کے سیمی فائنل تک رسائی حاصل کرلی ۔ شائقین کے دو گروہ جھگڑ پڑے اور پولیس کو مداخلت کرنا پڑی ‘شائقین کو سٹیڈیم سے باہر نکال دیا گیا ۔ میچ کے دوران وقفہ وقفہ سے جھڑپیں جاری تھیں ‘پولیس نے اس دوران پانچ شائقین کو حراست میں لے لیا ۔ پانچوں شائقین میچ میں مداخلت کر رہے تھے ‘شراب پی رکھی تھی اور ایمر جنسی ورکر ز پر بھی جملے کس رہے تھے ۔ پولیس کے مطابق شائقین سٹیڈیم کے باہر بھی جھگڑتے رہے ۔