لاہور (نامہ نگار) پیپلز پارٹی وسطی پنجاب کے صدروسابق وزیر اعظم راجہ پرویز اشرف نے کہا ہے کہ پنجاب کے کارکن بلدیاتی الیکشن جیتنے کے لیے تیار ہو جائیں، پنجاب میں پیپلز پارٹی کی حکومت بنانا مشن ہے۔ انہوں نے کہا پنجاب میں ڈکیتی و چوری کی وارداتوں میں اضافہ تشویشناک ہے، نااہلوں سے ملک نہیں چل رہا‘ بھگتنا عوام کو پڑ رہا ہے۔ ملک سے مہنگائی اور بیروزگاری صرف پیپلز پارٹی ختم کر سکتی ہے۔ ناراض جیالوں کو واپس لا کر متحرک کرینگے، پیپلز پارٹی ہی ملک کو بحرانوں سے نکالنے کی صلاحیت رکھتی ہے۔