امریکہ تجارتی تعاون فروغ دینے کا ماحول پیدا کر سکتا ہے: چین
بیجنگ (اے پی پی) چین نے امید ظاہر کی ہے کہ امریکہ ایسا ماحول پیدا کر سکتا ہے جس میں دونوں ممالک کے تجارتی تعاون کو فروغ دیا جا سکے۔ جرمن نشریاتی ادارے کے مطابق چینی وزارت کامرس نے یہ بات گزشتہ روز چین اور امریکہ کے درمیان تجارتی معاہدے کے پہلے مرحلے کے بارے میں پوچھے گئے ایک سوال کے جواب میں بتائی۔ وزارت کے ترجمان گافینگ نے آن لائن پریس کانفرنس کے درمیان بتایا کہ دونوں ممالک کی تجارتی ٹیمیں معمول کے رابطے بحال رکھے ہوئے ہیں۔
