فیروزوالہ: اوباشوں کی تین بچیوں کیساتھ زیادتی کی کوشش، مقدمات درج
فیروزوالہ( نامہ نگار) تھانہ فیکٹری ایریا اور فیروزوالا کے علاقے میں اوباش ملزمان کی تین کمسن بچیوں کیساتھ زیادتی کرنے کی کوشش میں ناکامی پر فرار ہو گئے ۔لاہور روڈ کی آبادی میاں کالونی میں کرایہ دار کے بیٹے نوجوان سخی نے مالک مکان کمسن بیٹی کیساتھ زیادتی کرنے کی کوشش کی ۔لڑکی کی چیخ و پکار پر ملزم فرار ہوگیا ۔فیکٹری ایریا پولیس نے مقدمہ درج کرلیا ۔قصبہ کوٹ پنڈی داس میں نوجوان وسیم نے محنت کش کی بیٹی کیساتھ زیادتی کی کوشش کی ناکامی پر فرار ہوگیا ۔فیکٹری ایریا پولیس نے مقدمہ درج کرلیا ۔تھانہ فیروز والا کے علاقے میں نوجوان نے ریاض نے اپنے ہمسائے کی بیٹی کے ساتھ زیادتی کرنے کی کوشش کی ۔بچی کے شور مچانے پر ملزم فرار ہوگیا۔
