شیخوپورہ (نمائندہ خصوصی) آر پی او شیخوپورہ مرزا فاران بیگ نے کرسمس کے مو قع پر سکیورٹی امور کا جائزہ لینے کیلئے شیخوپورہ کے مختلف چرچ اور کنٹرول روم کابھی معائنہ کیا اس مو قع پر ان کے ہمراہ ڈی پی او شیخوپورہ احسن سیف اللہ بھی موجود تھے آر پی او مرزا فاران بیگ نے بتایا کہ شیخوپورہ رینج میں کرسمس کے مو قع پر 3 ہزار 584 پولیس اہلکار 510 چرچ میں فول پروف سکیورٹی کے فرائض سرانجام دے رہے ہیں چرچوں کے باہر واک تھرو گیٹ، سکیورٹی اور خاردار تاریں نصب کرنے کیساتھ ساتھ سی سی ٹی وی کیمرے سے مانیٹرنگ بھی کی جا رہی ہیں آر پی او نے صحافیوں سے گفتگو کرتے کہا کہ ضلع شیخوپورہ میں جرائم پیشہ افرا د کیخلاف خصوصی مہم بھی چلائی جارہی ہے جبکہ منشیات فروشوں اور اشتہاری ملزموں کیخلاف بھی کارروائیاں کی جا رہی ہیں مقدمات کے اندراج کو آسان بنایا گیا ہے ۔