زرداری اسلام آباد پہنچ گئے، ملاقاتوں میں سپیکر‘ چیئرمین سینٹ کیخلاف عدم اعتماد پر غور ہو گا
اسلام آباد (خبر نگار خصوصی) سابق صدر آصف زرداری اسلام آباد پہنچ گئے۔ پیپلز پارٹی کے ذرائع نے بتایا ہے کہ سابق صدر آصف زرداری آج بینظیر بھٹو کی برسی کے موقع پر ہونے والے جلسے میں بھی شرکت نہیں کریں گے۔ مختلف سیاسی شخصیات سے ملاقاتیں کریں گے۔ ذرائع نے بتایا کہ ملاقاتوں میں ملک کی موجودہ سیاسی صورتحال پر مشاورت ہو گی اور سپیکر قومی اسمبلی و چیئرمین سینٹ کے خلاف ممکنہ تحاریک عدم اعتماد پر بھی حکمت عملی پر غور ہوگا۔
