لاہور (نامہ نگار) ٹائون شپ کے علاقے میں ایک گھر میں آتشزدگی سے 2 معمر بہنیں زندہ جل گئیں۔ ٹائون شپ کے علاقے میں ایک گھر میں گزشتہ روز اچانک آگ بھڑک اٹھی۔ آگ کی زد میں آکر 70 سالہ ناہید اور اس کی بہن 72 سالہ درشہوار جھلس کر ہلاک ہوگئی۔ ریسکیو ٹیموں نے کارروائی کرتے ہوئے آگ پر قابو پالیا جبکہ پولیس نے دونوں خواتین کی لاشیں قبضے میں لے کر پوسٹ مارٹم کیلئے مردہ خانے جمع کرا دی ہیں۔ ریسکیو ذرائع کے مطابق دونوں بزرگ خواتین عرصہ دراز سے اس گھر میں مقیم تھیں۔ 70 سالہ ناہید شادی شدہ جبکہ 72 سالہ درشہوار غیرشادی شدہ تھی۔ ریسکیو حکام کا کہنا ہے کہ آگ لگنے کی وجوہات کا تعین کیا جارہا ہے جبکہ فرانزک ٹیموں نے جائے وقوعہ سے شواہد اکٹھے کرکے پولیس کے ساتھ تفتیش کا عمل شروع کردیا ہے۔ پولیس کے مطابق آگ لگنے کی وجوہات جلد سامنے آجائیں گی۔
معمر بہنیں