تربت: سکیورٹی فورسز کا آپریشن، 7 دہشتگرد ہلاک، اسلحہ، گولہ بارود برآمد
تربت (نوائے وقت رپورٹ) تربت میں قانون نافذ کرنے والے ادارے کے ساتھ فائرنگ کے تبادلے میں 7 دہشت گرد ہلاک ہو گئے۔ پولیس کے مطابق قانون نافذ کرنے والے ادارے کے اہلکاروں نے تربت کے علاقے میں خفیہ اطلاع پر آپریشن کیا تو نامعلوم افراد نے سکیورٹی فورسز پر فائرنگ کر دی۔ پولیس کے مطابق قانون نافذ کرنے والے ادارے کے اہلکاروں کی جوابی فائرنگ میں 7 دہشت گرد ہلاک ہو گئے اور ان کے قبضے سے اسلحہ اور گولہ بارود بھی برآمد کر لیا گیا۔
