اسلام آباد (اے پی پی) سپریم کورٹ بار ایسوسی ایشن کے صدر احسن بھون نے کہا ہے کہ سابق وزیراعظم بے نظیر بھٹو  ایک منفرد اور کرشماتی شخصیت کی حامل لیڈر تھیں۔ بے نظیر بھٹو کی لازوال قربانیوں کو ہمیشہ یاد رکھا جائے گا۔ یہ بات صدر سپریم کورٹ بار ایسوسی ایشن نے پیر کو یہاں بے نظیر بھٹو کی چودہویں برسی کے موقع پر اپنے ایک بیان میں کہی۔ انہوں نے کہا ہے کہ بے نظیر بھٹو نے سیاست میں عزت نفس، خودداری اور سچائی کے اعلی معیار قائم کئے۔ بے نظیر بھٹو نے قانون کی حکمرانی، آئین کی بالادستی اور جمہوری اقدار کے فروغ کیلئے تمام عمر جدوجہد کی۔