مری(امتیاز الحق نامہ نگار خصوصی )ملکہ کوہسا رمر ی میں سہ پہر تک برفباری کاسلسلہ جاری رہا ۔ اس روان مری شہر اور اور بالائی علاقوں میں قریباً ڈیڑھ فٹ جبکہ گلیات میں اڑھائی فٹ تک برف پڑی ،اس دوران گلیات میں ٹریفک کی آمد رفت بری طرح متاثر ہوئی جبکہ مری کی بعض اہم سڑکیں ٹریفک کیلئے معطل رہیں ۔ اس دوران بعض پیشہ ور ڈرائیور مجبور سیاحوں کی برف میں پھنسی گاڑیوں کو نکالنے کیلئے دونوں ہاتھوں سے لوٹنے رہے ، شدید سردی میں بجلی کی فراہمی کا نظام بری طرح متاثر ہوا ۔ایسے میںڈپٹی کمشنر راولپنڈی مسٹرمحمدعلی کے احکامات کی روشنی میں اسسٹنٹ کمشنر مری محمدعمرمقبول نے ڈی ایس پی ٹریفک مری اجمل ستی نے  سیاحوں کیلئے جا ری پیغام میں کہا ہے معلومات لازمی حاصل کریں۔ایسے میں اروار کے روزبرفباری شروع ہوتے ہی اسسٹنٹ کمشنر اور ایس پی ٹریفک مری ،محکمہ ہائی ،ایم سی کا عملہ ،سول ڈیفنس اہلکاروں اور دیگر محکموں کے ذمہ داران کے ہمراہ مال روڈ،آر ایم کے روڈ،بانسرہ گلی ،جھیکاگلی بازار،سنی بنک،کلڈنہ چوک،لارنس کالج بائی پاس روڈ سمیت سیاحتی شاہراہوں کا تفصیلی دورہ کیا اورسڑکوں سے برف کی صفائی کے جار ی آپریشن کاجائزہ لیا اور  نمک کا چھڑکائو اپنی نگرانی میں کروایا ۔