لاہور(نامہ نگار)جنوبی چھاؤنی پولیس نے اوکاڑہ سے اغواء ہونیوالی12سالہ بچی کیولری گراؤنڈ کے علاقے سے بازیاب کر لی ہے ۔  جنوبی چھاؤنی پولیس کو دوران پٹرولنگ12سالہ بچی انعم شہزادی ملی۔ بچی نے پولیس کو بتایا کہ وہ اوکاڑہ کی رہائشی ہے۔ اسے 4 ملزمان نے اوکاڑہ سے اغواء کیا اور کیولری گراؤنڈ کے علاقے میں ایک گھر میں رکھا ہوا تھا۔بچی کی نشاندہی پر پولیس نے چھاپہ مار کر دو ملزمان عباس اور سرور کو گرفتار کر لیا ہے۔ملزمان کیخلاف اوکاڑہ میں 2 دسمبر کو بچی کے اغواء کا مقدمہ درج کیا گیاتھا۔پولیس کے مطابق اوکاڑہ پولیس اور بچی کے ورثاء سے رابطہ ہو چکا ہے۔بچی کو اس کے والدین کے حوالے کردیاجائیگا۔