فیصل آباد (نمائندہ خصوصی) تھانہ ساہیانوالہ کے علاقہ سکندرپور کے قریب مخبوط الحواس خاتون نہر رکھ برانچ میں ڈوب کرجاں بحق ہوگئی۔ ریسکیو ٹیم نے اطلاع ملنے پر نہرسے نعش نکال کرورثاکے سپردکردی۔ ریسکیو ذرائع کے مطابق چک 146 رب جھمرہ کی رہائشی شادی شدہ 55 سالہ بشریٰ بی بی کا ذہنی توازن درست نہیں تھا وہ صبح گھر سے نکلی اور سکندرپور ایکسپریس وے پر واقع نہر رکھ برانچ پر پہنچی اور نہر میں کود گئی، وہاں پر موجود افراد نے خاتون کے نہر میں کودنے کی اطلاع دی۔ متوفیہ کے ورثانے موت کواتفاقیہ حادثہ قراردے دیا، اْن کا کہنا تھا کہ خاتون کا ذہنی توازن درست نہیں تھا۔