لاہور(سپورٹس رپورٹر)پشاور زلمی کے کپتان وہاب ریاض نے کہا ہے کہ پشاور زلمی میں بہت عزت ملتی ہے اس لیے چھوڑنے کا نہیں سوچا۔ وکٹ کیپر بیٹر کامران اکمل نے کہا کہ میری پلیئرکیٹیگری میں فرنچائز کا کوئی کردار نہیں ہے۔وہاب ریاض نے کہا کہ دنیا بھر کی لیگز کھیلی ہیں، وکٹیں لی ہیں، زلمی ٹیم ایک فیملی کی طرح ہے، زلمی کا مجھ پر یقین ہے، کبھی چھوڑنے کا سوچا نہیں ہے۔ کامران اکمل پشاور زلمی کا حصہ ہیں ، معمولی غلط فہمی ہوگئی تھی جو دور کر دی ہے، فیملی میں ناراضی ہوتی ہے ، بچہ ناراض ہوجائے تو گھر چھوڑ کر نہیں جاتا۔ وکٹ کیپر بیٹر کامران اکمل نے کہاکہ یہ ناراضی چلتی رہتی ہے ،میرا پشاور زلمی کیساتھ سلسلہ چلتا رہے گا، کیٹیگری میں فرنچائز کا کوئی کردار نہیں۔ پی سی بی سے کہوں گا کیٹیگری پرفارمنس پر ہونی چاہیے۔