لاہور( سپورٹس رپورٹر)قومی ٹیم کے کپتان بابراعظم نے یتیم خانہ لاہور کا دورہ کرکے بچوں کے دل جیت لئے ہیں۔انسٹاگرام پر اپنی تصاویر جاری کرتے ہوئے پاکستان کرکٹ ٹیم کے کپتان بابر اعظم نے پیغام لکھا کہ مجھے گزشتہ روز لاہور کے یتیم خانہ میں اپنے نوجوان ہیروز سے ملنے کا موقع ملا،وہاں پر مجموعی طور پر سہولیات قابل تعریف تھیں،وہاں پر موجود ہمارے ہیروز خوش نظر آئے اوروہ زپنی زندگی میں کچھ کرنے کیلئے بھی پرعزم دکھائی دیئے جبکہ ان سپر سٹارز اور ایسے اداروں کو سپورٹ کرنے کیلئے ہر ممکن کوشش کرنی ہوگی۔ اپنے دورہ کے دوران کپتان بابر اعظم نے بچوں سے ملاقات کی اور اپنے آٹو گراف والی بال بھی ان کو تحفہ کے طور پر دیں اور اس موقع پر بچے کافی خوش اور پرجوش بھی نظر آئے۔ بگ بیش لیگ سے منسلک ہونے کے باوجود بابراعظم نے بی بی ایل میں حصہ نہ لینے کا فیصلہ کیا کیونکہ وہ لاہور میں اپنے خاندان کیساتھ کچھ وقت گزارنا چاہتے تھے۔ بابراعظم نے ’’نوجوان ہیروز‘‘ کے ساتھ کرکٹ بھی کھیلی۔