اسلام آباد (نامہ نگار) قومی اسمبلی کے اہم اجلاس میں وزیراعظم عمران خان‘ قائد حزب اختلاف شہباز شریف‘ چیئرمین پی پی پی بلاول بھٹو‘ شریک چیئرمین پی پی پی آصف زرداری اور اختر مینگل شریک نہیں ہوئے۔ ادھر مشترکہ اپوزیشن کے اجلاس میں اپوزیشن لیڈر شہباز شریف کے عدم شرکت پر چھوٹی جماعتوں نے تنقید کی ہے۔ ذرائع کے مطابق چھوٹی جماعتوں نے کہا کہ اس وقت عوام اپوزیشن سے کردار ادا کرنے کی توقع رکھتی ہے۔ لیکن اپوزیشن لیڈر سنجیدہ نظر  نہیں آتے۔ انہیں اجلاس میں شرکت کرنا چاہئے تھی۔