لاہور(سپورٹس رپورٹر) انڈر 19 ایشیا کپ کرکٹ ٹورنامنٹ میں پاکستان سری لنکا کے ہاتھوں شکست کھا کر ایونٹ سے باہر ہوگیا۔انڈر 19 ایشیا کپ کرکٹ ٹورنامنٹ کے پہلے سیمی فائنل میں سری لنکا نے پاکستان کو 22 رنز سے ہرادیا۔سری لنکا کی ٹیم انڈر 19 ایشیا کپ کے فائنل میں پہنچ گئی۔ پاکستان انڈر 19 ٹیم 148 رنز کے ہدف کے تعاقب میں49.3 اوورز میں 125 رنز پر آؤٹ ہوگئی۔شارجہ میں ہونے والے انڈر 19 ایشیا کپ کے دوسرے سیمی فائنل میں بھارت نے بنگلا دیش کو 103 رنز سے ہرادیا اور فائنل میں جگہ بنالی۔بھارت نے 8وکٹوں پر 243رنز بنائے ۔ بنگلہ دیشی ٹیم 140رنز پر آئوٹ ہوگئی ۔ بھارت اور سری لنکا کے درمیان فائنل آج دبئی میں کھیلا جائے گا۔