لاہور (سپورٹس ڈیسک )آسٹریلیا کی ٹی20 لیگ بگ بیش میں شامل ٹیم میلبورن سٹارز کے مزید تین کرکٹرز کرونا وائرس کا شکار ہوگئے۔انتظامیہ میلبورن سٹارز نے کہا ہے کہ کرکٹ آسٹریلیا نے انہیں یقین دلایا ہے کہ بگ بیش لیگ کا آج کا میچ ہوگا۔بی بی ایل میں میلبورن سٹارز اور پرتھ سکارچرز کے درمیان آج ایونٹ کا میچ شیڈول ہے۔رپورٹ کے مطابق میلبورن سٹارز کے 10 کرکٹرز اور 8 سپورٹ سٹاف ممبرز کرونا وائرس کی نئی لہر کا شکار ہوچکے ہیں۔انتظامیہ میلبورن سٹارز نے اعلان کیا ہے کہ آج پرتھ سکارچرز کے خلاف میچ سے قبل ٹیم سکواڈ کا اعلان کیا جائے گا۔