بلاول بھٹو کل لاہور آئیں گے‘ بلدیاتی الیکشن کی حکمت عملی طے کی جائیگی
لاہور (نامہ نگار) پاکستان پیپلز پارٹی کے چیئرمین بلاول بھٹو زرداری کل بروز منگل لاہور پہنچیں گے۔ وہ بلاول ہاؤس بحریہ ٹاؤن میں قیام کریں گے۔ انہوں نے بدھ کو پیپلز پارٹی پنجاب کے عہدیداران اور سنٹرل ایگزیکٹو کمیٹی کا اجلاس بھی طلب کر لیا ہے۔ اجلاس میں پنجاب میں بلدیاتی انتخابات کے حوالے سے حکمت عملی طے کی جائے گی جبکہ چیئرمین بلاول بھٹو زرداری لاہور میں قیام کے دوران پارٹی کے منتخب عہدیداران اور وفود سے ملاقاتیں بھی کریں گے۔
