نئی دہلی (آئی این پی )بھارت میں مودی سرکار کی شہہ پر مسلمانوں کے خلاف نفرت اپنے عروج پر ہے۔ تازہ ترین واقعہ میں جن 100 مسلمان خواتین کو  آن لائن نیلامی کے لیے پیش کیا گیا ان میں ملالہ، شبانہ اعظمی بھی شامل ہیں۔ ملالہ یوسفزئی کی تصویر آن لائن نیلامی کے لیے اپ لوڈ کی گئی۔ بْلّی بائی نامی بھارتی ایپ پر 100 سے زائد مسلمان خواتین کی تصاویر اپ لوڈ کی گئیں، جن میں مشہور اداکارہ شبانہ اعظمی، دہلی ہائی کورٹ کے ایک موجودہ جج کی اہلیہ، متعدد صحافی، کارکنوں اور سیاست دان بھی شامل ہیں۔ کشمیر کی مسلمان خاتون صحافی قرۃ  العین رہبر کی تصویر بھی اپ لوڈ کی گئی تھی، یہاں تک کہ لاپتہ طالب علم نجیب احمد کی 65 سالہ والدہ فاطمہ نفیس بھی شامل تھیں۔ کشمیری صحافی نے ٹویٹ کیا وہ کمزور نہیں ہیں، اور انہیں ان ہتھکنڈوں سے خاموش نہیں کیا جا سکتا، وہ ہمیشہ سچ لکھتی رہیں گی۔ انہوں نے تمام مسلم خواتین سے مکمل یکجہتی کا اظہار کرتے ہوئے کہ ہم سب مضبوط ہیں۔