چیلنج کپ فٹبال ٹورنامنٹ 7 جنوری سے اسلام آباد میں شروع ہوگا
لاہور( سپورٹس ڈیسک ) پاک سپورٹنگ فٹ بال کلب اسلام آباد کے زیراہتمام چیلنج کپ فٹبال ٹورنامنٹ 7 جنوری سے کراچی کمپنی فٹبال گرائونڈاسلام آباد میں شروع ہوگا۔ آرگنائزنگ سیکرٹری شفقت رضا نے بتایا کہ ٹورنامنٹ کی تیاریاں زور و شور سے جاری ہیں اور اسلام آباد کی تمام رجسٹرڈ کلبوں کو دعوت نامے بھیج دیئے گئے ہیں اور ٹورنامنٹ میں شرکت کی خواہش رکھنے والی ٹیموں کے عہدیدار اپنی اپنی ٹیموں کی ٹورنامنٹ میں شرکت کی تصدیق 3 جنوری تک کرواسکتے ہیں۔ انہوں نے کہا کہ ٹورنامنٹ ناک آئوٹ سسٹم پر پی ایف ایف قوانین کے مطابق کھیلا جائیگا۔ ٹورنامنٹ کو احسن طریقے سے منعقد کروانے کے لئے مختلف کمیٹیاں تشکیل دی جارہی ہیں۔
