گلگت بلتستان نیٹ بال ٹیم کے دو روزہ ٹرائلز آئندہ ماہ ہونگے
لاہور( سپورٹس ڈیسک) گلگت بلتستان نیٹ بال ایسوسی ایشن کے زیراہتمام گلگت بلتستان نیٹ بال ٹیم کے ٹرائلز آئندہ ماہ دو روزہ فروری میں ہونگے۔ گلگت بلتستان نیٹ بال ایسوسی ایشن کے صدر نثار احمد نے بتایاکہ منتخب ٹیم قومی نیٹ بال چیمپئن شپ میں شرکت کریگی۔ انہو ں نے کہا کہ گلگت بلتستان میں نیٹ بال کے ٹیلنٹ کی کمی نہیں بلکہ کھلاڑیوں کو سہولیات فراہم کرنے کی ضرورت ہے۔ مرد اور خواتین ٹیموں کے ٹرائلز میرٹ کی بنیاد پر ہونگے،پہلے روز مردوں کے جبکہ دوسرے روز خواتین کے ٹرائلز منعقد ہونگے۔ ایونٹ کی تیاری کے سلسلہ میں دو ہفتے کا تربیتی کیمپ لگایا جائیگاجس میں کھلاڑیوں کو اعلیٰ اور جدید تربیت دی جائیگی۔
