لاہور(سپورٹس رپورٹر)قومی کرکٹ ٹیم کے ٹاپ آرڈر بیٹر افتخار احمد اور محمد رضوان کی سادگی نے لوگوں کو گرویدہ بنالیا ہے۔ افتخار احمد نے وکٹ کیپر بیٹر محمد رضوان کے ہمراہ ایک تصویر شیئر کی جو سوشل میڈیا پر مقبول ہورہی ہے۔ افتخار احمد نے  بتایا کہ یہ پشاور میں لی گئی تصویر ہے، تصویر سے ظاہر ہورہا ہے کہ دونوں کرکٹر کسی ڈھابے پر بیٹھے چائے سے لطف اندوز ہورہے ہیں۔دونوں کرکٹرز کی تصویر پر مداحوں نے خوب تبصرے کیے، کسی نے ان کی سادگی کو سراہا تو کوئی رضوان کے چائے کے کپ کو موبائل سے ڈھکے دیکھ کر متاثر ہوا۔ایک صارف نے لکھا کہ عالمی شہرت یافتہ سٹارز ہونے کے باوجود ان میں بغیر کسی دکھاوے کے سادگی اور عاجزی ہے۔ایک اور صارف نے مداحوں کی توجہ رضوان کے موبائل پر دلوائی اور کہا کہ رضوان اپنی چائے ٹھنڈی ہونے سے بچا رہے ہیں۔ایک صارف نے تجسس ظاہر کرتے ہوئے پوچھا کہ بتائیں چائے کے پیسے کس نے ادا کیے اور پیسے دینے کیلئے ہاتھ جیب تک لے جانے والا کھلاڑی کون تھا۔