جسٹس گلزار مٹھی پہنچ گئے، شہر میں صفائی شاہراہیں چمک گئیں
مٹھی (نوائے وقت رپورٹ) چیف جسٹس گلزار احمد مٹھی پہنچ گئے، چیف جسٹس گلزار احمد کی آمد کے موقع پر سیکیورٹی کے تحت انتظامات کئے گئے۔ نجی ٹی وی کے مطابق چیف جسٹس گلزاز احمد کی آمد کے باعث تھر کی قسمت جاگ اٹھی، مٹھی شہر کی گلیوں‘ شاہراہوں کو چمکا دیا گیا، ہسپتالوں میں صفائی مرمت اور رنگ و روغن کیا گیا، سول ہسپتال کا نقشہ بدل گیا۔ چیف جسٹس گلزار احمد آج مٹھی بار سے خطاب کریں گے۔
