اسلام آ باد (آئی این پی ) سپریم کورٹ کے احکامات کے معاملے پر سی اے اے انتظامیہ نے برطرف 26 ملازمین بحال کردیئے ہیں۔ سول ایوی ایشن اتھارٹی (سی اے اے)انتظامیہ نے برطرف ملازمین کی بحالی کا نوٹیفکیشن جاری کردیا ہے۔ سی اے اے انتظامیہ کے مطابق بحال کیے جانے والوں میں 2 سینئر جوائنٹ ڈائریکٹرز ایک ڈپٹی ڈائریکٹر اور سینئر اسسٹنٹ ڈائریکٹر شامل ہیں۔ سی اے اے انتظامیہ کا کہنا ہے کہ 2 سپروائزر، 7 اسسٹنٹ گریڈ ون،  ایس جی کیڈر اسٹاف 4 کے 6 ملازمین اور ایس جی 2 کے 7 اسٹاف ملازمین کو بحال کردیا گیا ہے۔