لاہور(سپورٹس رپورٹر )انجری کے باعث انٹرنیشنل کرکٹ سے دور آسٹریلوی کرکٹر ول پووسکی نے دورہ پاکستان پر نظریں جما لی۔ول پووسکی ایشز سیریز کا حصہ نہیں بن سکے ہیں، سلیکشن چیئرمین جارج بیلے کا کہنا ہے کہ ول پووسکی پاکستان کے دورے پر جانا چاہتے ہیں۔جارج بیلے نے انہیں آسٹریلیا کے لانگ ٹرم پلانز کا حصہ قرار دیا ہے۔ول پووسکی کا کہنا ہے کہ مجھے ٹریک پر آنے کیلئے پانچ چھ ہفتے لگے، پہلے دو ہفتے بہت مشکل تھے۔ انجری سے واپس آنے کے بعد نارمل ہونے میں وقت لگتا ہے، اگر ڈومیسٹک میں اچھا کھیلتا ہوں تواس کا مطلب سب ٹھیک ہے۔