لاہور(نامہ نگار)پنجاب سیف سٹیزاتھارٹی کے ریسلر نے 65ویں نیشنل ریسلنگ چیمپئن شپ میں کانسی کا تمغہ اپنے نام کر لیا ہے۔پنجاب سیف سٹیزاتھارٹی کے سٹاف ممبرہارون مسیح نے نیشنل ریسلنگ چیمپئن شپ میں عمدہ کارکردگی کا مظاہرہ کرتے ہوئے کانسی کا تمغہ اپنے نام  کیا ہے ۔ہارون مسیح نے پنجاب پولیس اور پنجاب سیف سٹیز اتھارٹی کی نمائندگی کرتے ہوئے مسلسل پانچواں میڈل حاصل کیا ہے ۔ہارون نے نیشنل ریسلنگ چیمئن شپ میں پنجاب ،کے پی کے اور واپڈا کے پہلوانوں کو چت کیا۔ہارون مسیح نے تین مقابلے جیت کر سیمی فائنل میں جگہ بنائی۔ چیف آپریٹنگ آفیسر پنجاب سیف سٹیزاتھارٹی محمدکامران خان نے ہارون مسیح کو میڈل پہنایا اورکیش انعام دیا۔  کامران خان کا کہنا تھا کہ پنجاب سیف سٹیز اتھارٹی ہارون مسیح اوردیگر اتھلیٹس کو مکمل سپورٹ فراہم کرتی رہے گی۔ہارون مسیح کا کانسی کا تمغہ جیتنا اعزاز کی بات ہے،گولڈ میڈل کی تیاری کرنی چاہیے۔کوچ محمد شہباز نے بتایا کہ ہارون مسیح نے کم وقت اور محدود وسائل میں بہترین کارکردگی کا مظاہرہ کیا ہے۔