لاہور(سپورٹس رپورٹر)پاکستان سپر لیگ سیزن 7 میں بہترین کارکردگی دکھانے کیلئے اسلام آباد یونائٹیڈ کے کھلاڑیوں نے کمر کسنا شروع کردی۔اسلام آباد یونائیٹڈ کے آل راؤنڈر فہیم اشرف نے کہا ہے کہ جڑواں شہروں کی ٹیم ٹورنامنٹ کے ساتویں ایڈیشن میں ٹرافی ضرور اٹھائے گی۔ اسلام آباد یونائٹڈ میں سات سے آٹھ کھلاڑی ٹیم کیساتھ کافی عرصے سے موجود ہیں،امید ہے ٹیم تجربہ کار کھلاڑیوں کی موجودگی میں اچھا پرفارم کرے گی۔