لاہور(سپورٹس رپورٹر)پاکستانی ٹینس سٹار اعصام الحق کی جوڑی اے ٹی پی ورلڈ رینکنگ میلبورن ٹینس چیمپئن شپ میں منز ڈبلز کے فائنل میں پہنچ گئی۔ڈبلز ایونٹ کا فائنل آج اتوار کو کھیلا جائے گا۔ سیمی فائنل میں اعصام الحق اور یوکرائن کے الیگزینڈر نیڈو سووک پر مشتمل جوڑی نے سٹریٹ سیٹس میں چھ دو اور چھ دو سے کامیابی سمیٹتے ہوئے یوکرائن کے ڈینس مولچنیوف اورلیتھوانیاکے ریکارڈس برانکس کی جوڑی کو ہراکرفائنل کیلئے کوالیفائی کیاہے۔اعصام الحق نے سیمی فائنل میں کامیابی پر خوشی کا اظہار کرتے ہوئے اس عزم کا اظہار کیا کہ کارکردگی کے تسلسل کو برقرار رکھتے ہوئے وہ فائنل میں بھی فتح پانے کی کوشش کریں گے۔