لاہور(سپورٹس  رپورٹر ) آسٹریلیا کے سابق لیگ سپنر شین وارن نے بھی آسٹریلوی ٹیم کے دورہ پاکستان کے حق میں آواز اٹھا دی۔انہوں نے اس بات پر زور دیا کہ کرکٹ کے بڑے ممالک کو پاکستان جیسے ممالک کا دورہ کیوں کرنا چاہیے اور اس کھیل کے فروغ دینے کی ذمہ داری انٹرنیشنل کرکٹ کونسل کی بھی ہے۔شین وارن نے کہا کہ آسٹریلیا کا دورہ پاکستان انتہائی اہم ہے ۔پاکستان، سری لنکا، بنگلہ دیش اور اس طرح کی جگہوں پر جانے کیلئے آپ کو آسٹریلیا، نیوزی لینڈ، بھارت اور انگلینڈ کی ضرورت ہے۔جوش و خروش، پھر پیسہ اور ٹی وی کے حقوق کی آمدنی سے آتا ہے۔ ٹیموں کیلئے وہاں جانا واقعی اہم ہے۔ انہوں نے اس بات پر افسوس کا اظہار کیا کہ پاکستانی ٹیم کے کچھ کھلاڑیوں نے پاکستان میں کوئی ٹیسٹ میچ نہیں کھیلا۔