لاہور( سپورٹس ڈیسک) قومی کرکٹ ٹیم کے سابق ہیڈ کوچ وقار یونس نے اپنی سرجری کیلئے دعاؤں کی درخواست کی ہے۔انہوں نے سوشل میڈیا سائٹ ٹوئٹر پر سرجری سے پہلے کی تصاویر شیئر کیں اور بتایا کہ وہ اپنی سرجری کروائیں گے۔وقار یونس نے لکھا کہ ایک چھوٹی سی سرجری کروارہا ہوں، براہ کرم ایک ساتھ مل کر میرے لیے دعا کریں۔انہوں نے اپنے ساتھ تصاویر میں موجود اسفند کا کمپنی دینے کے لیے شکریہ بھی ادا کیا۔سابق بولنگ کوچ نے اپنے ٹوئٹ میں ہیش ٹیگ Eye کا بھی استعمال کیا جس سے اندازہ ہوتا ہے کہ وہ آنکھ کی سرجری کروائیں گے۔