لاہور(سپورٹس رپورٹر) سابق کپتان شاہد آفریدی نے کہا ہے کہ پاکستان کرکٹ بورڈ کو بطور پاور ہٹنگ کوچ میری خدمات کی ضرورت پڑی تو حاضر ہوں گا۔میرے لیے پاکستان کرکٹ ٹیم کی جانب سے کھیلنا ہی بہت فخر کی بات تھی، ایک ایسا ادارہ جس کیساتھ میں لمبے عرصے منسلک رہا اسے میری کبھی بھی ضرورت پڑی تو میں ضرور حاضر رہوں گا۔پاور ہٹنگ کوچ رکھنے کا فیصلہ اچھا ہے، پی سی بی کسی کو بھی یہ ذمہ داری دے سکتا ہے۔ عبدالرزاق جو  سلیکشن ٹیم کا حصہ ہیںسے آفس جاب نہیں کرانی چاہئے  انہیں یہ ذمہ داری سونپی جا سکتی ہے۔