فیروزوالہ( نامہ نگار) کوٹ عبدالمالک میں موٹر سائیکل سوار ڈاکوؤں نے گن پوائنٹ پر ماں بیٹے سے 8 لاکھ روپے کی رقم چھین لی ۔ برج اٹاری کا رہائشی  اعجازاحمد اپنی والدہ کے ہمراہ کوٹ عبدالمالک بنک سے رقم نکلوا کر گھر جانے لگا تو موٹر سائیکل سوار دو مسلح  ڈاکوؤں نے تعاقب کر کے اعجاز احمد اس کی والدہ کو روک کر آٹھ لاکھ روپے کی رقم چھین لی۔ اعجاز نے ڈاکوؤں کیساتھ ہاتھا پائی کی ڈاکوؤں نے فائرنگ کر کے شدید زخمی کر دیا جسے ہسپتال میں داخل کرا دیا ۔فیکٹری ایریاپولیس نے مقدمہ درج کرلیا ۔ قلعہ ستار شاہ کے قریب ڈاکوؤں نے گن پوائنٹ پر عمیر ناصرسے تین لاکھ روپے چھین لئے۔ ڈاکو شان علی اور محمد اخترسے 50 ہزار روپے چھین کر لے گئے ۔چوروں نے عبادعلی کے گھر داخل ہوکر چار لاکھ روپے ور دیگر سامان چوری کر لیا ۔ مختلف علاقوں سے نامعلوم افراد نے 6 موٹر سائیکل چوری کرلی۔