لاہور(نامہ نگار)شیراکوٹ اور باٹا پور پولیس نے  سوشل میڈیا پر اسلحہ کی نمائش اور ہوائی فائرنگ کرنے وا لے ملزم عامر حسین اور چن بھٹی کو گرفتار کر کے ملزمان کے قبضے سے 2جدید آٹومیٹک رائفلز، ایک پسٹل ،میگزین اور گولیاںبرآمد کر کے مقدمات درج کر لیے ہیں۔ پولیس کے مطابق ملزمان نے ہوائی فائرنگ کی ویڈیوز بنا کر سوشل میڈیا پر اپ لوڈ کی تھی، ویڈیوز سامنے آنے پر ملزمان کو گرفتار کرکے مقدمات درج کر لئے گئے ہیں۔ ہڈیارہ پولیس نے سرعام ہوائی فائرنگ کر کے خوف و ہراس پھیلانے والے دو ملزمان شاہد اور اویس کو گرفتار کر کے ملزمان  کے قبضے سے 2 پسٹل اور گولیاں برآمد کر کے مقدمات درج کر لیے ہیں۔