لاہور(سپورٹس رپورٹر ) کرکٹ آسٹریلیا نے اشارہ دیا ہے کہ آسٹریلین ٹیم کے چند کھلاڑی دورہ پاکستان پر ہچکچاہٹ کا شکار ہوں گے۔ آسٹریلین کرکٹرز ایسوسی ایشن کے سربراہ ٹوڈ گرین برگ نے کہا ہے کہ متعلقہ حکام کی یقین دہانیوں کے باوجود چند کھلاڑی ملک کے دورے میں بے چین ہو سکتے ہیں۔ گرین برگ نے کہا کہ اے سی اے کے اہلکار سکواڈ کے ساتھ سفر کریں گے تاکہ کھلاڑیوں کو یہ دکھایا جا سکے کہ وہ سب متحد ہیں اور اس میں ایک ساتھ ہیں۔انہوں نے کہا کہ یہ سمجھا جاتا ہے کہ ایک یا دو کھلاڑی دورے سے باہر ہو جائیں گے اور ان پر دورے پر جانے کا کوئی دباؤ نہیں ہے۔ اے سی اے نے گزشتہ سال کے آخر میں پاکستان کے پری ٹور پر کرکٹ آسٹریلیا کے ساتھ کیا اور تمام رپورٹس بہت مثبت تھیں۔لیکن ہم آسٹریلیا کے محکمہ خارجہ اور تجارت اور دیگر سرکاری تنظیموں کے مشورے جاری رکھیں گے کیونکہ ہمیں نہ صرف کھلاڑیوں بلکہ ان کے اہل خانہ کو مطمئن کرنے کی ضرورت ہے کہ یہ دورہ محفوظ ہے۔کرکٹ آسٹریلیا کے چیف ایگزیکٹو نک ہاکلے نے گرین برگ کے بیان کی تائید کرتے ہوئے کہا کہ وہ بھی کرکٹرز کو آرام دہ ماحول فراہم کرنے کے لیے دورے کے کم از کم ایک حصے کے لیے پاکستان میں موجود ہوں گے۔ذرائع کے مطابق فاسٹ بائولر مچل سٹارک نے دورہ پاکستان کیلئے اپنی دستیابی ظاہر کرنے سے انکارکر دیا ہے ۔ جب ان سے پوچھا گیا کہ وہ دورہ پاکستان کیلئے تیار ہیں تو انہوں نے کہا کہ ابھی کچھ نہیں کہہ سکتا ‘یشز سیریز کے بعد کھلاڑی مل کر دیکھیں گے ۔ انہوںنے مزید کہا کہ ہمیں دورہ پاکستان کے حوالے سے بریفنگ دی گئی ہے ‘میرے خیال میں یہ تمام کھلاڑیوںکو وقت دیا گیا ہے کہ وہ اس حوالے سے غور کرلیں ‘ایک طرح سے دورہ کی اطلاع دی گئی ہے۔ ابھی تو ایشز سیریز کا ایک ٹیسٹ کھیلنا باقی ہے ‘میچ میں ہمیں پرفارم کرنا ہے ‘اس کے بعد دیکھیں گے کہ کیا ہونے والا ہے ۔ یاد رہے کہ آسٹریلوی ٹیم رواں سال مارچ اور اپریل میں تین میچوں کی ٹیسٹ سیریز، تین ون ڈے میچوں کی سیریز اور ایک ٹی ٹونٹی کھیلنے کے لیے پاکستان کا دورہ کرنے والی ہے۔ 1998ء کے بعد یہ آسٹریلیا کا پاکستان کا پہلا دورہ ہوگا ،یہ دیکھنا باقی ہے کہ کون سے کھلاڑی اس دورے سے باہر ہوتے ہیں۔یاد رہے کہ عثمان خواجہ نے ساتھی کرکٹر کو پاکستان کا دورہ کرنے کے لیئے کہا ہے ۔