وزیرآباد +گوجرانوالہ(نامہ نگار+نمائندہ خصوصی) ایف آئی اے کی ٹیم نے وزیرآباد سے مبینہ غیر قانونی حوالہ و ہنڈی کا کاروبار کرنے والے ایجنٹ کو گرفتار کر لیا۔ ملزم کے قبضہ سے غیر ملکی کرنسی برآمد، مقدمہ درج کرلیا گیا ہے۔ وزیرآباد کے رہائشی بکرگلہ کے نوجوان سلمان کو ایف آئی اے کی ٹیم نے چناب ٹول پلازہ کے قریب نجی ہوٹل سے گرفتار کر لیا۔ اطلاع پر چھاپہ مارا گیا تو لاہور کے رہائشی سلمان لاہوری کے ساتھ سلمان کھوکھر ڈیل کر رہا تھا کہ ایف آئی اے کی ٹیم نے گرفتار کر لیا جبکہ سلمان کھوکھر کے ورثاء کا کہنا ہے کہ لاہور کا رہائشی سلمان اسکے ساتھ ملکر چین سے کنٹینر منگواتا تھا۔ سلمان لاہوری کو کاروبار میں نقصان ہوا، جسکا ذمہ دار سلمان کھوکھر وزیرآباد ی کو ٹھہرایا۔