بھکر (نامہ نگار) بس اور وین میں تصادم، خاتون بچے سمیت ایک ہی خاندان کے تین افراد جاں بحق جبکہ 2 خواتین اور 2 بچوں سمیت 4 زخمی ہو گئے۔ بتایا جاتا ہے کہ جھنگ روڈ جہاں خان کے قریب وین مسافر بس سے ٹکرا گئی۔ جس کے نتیجے میں وین میں سوارخاتون‘ بچے سمیت ایک ہی خاندان کے تین افراد جاں بحق ہو گئے۔ مرنے والوں کی صائمہ بی بی‘ اعجاز احمد اورمدثر کے ناموں سے شناخت ہوئی ہے۔ ریسکیو ذرائع کے مطابق حادثے کا شکار خاندان کا تعلق اندرون سندھ سے تھا۔ زخمیوں اور میتوں کو ہسپتال منتقل کر دیا گیا۔