شعیب اختر کی والدہ کا انتقال، تعزیت کیلئے شہباز شریف گھر پہنچ گئے
لاہور(سپورٹس رپورٹر) پاکستان مسلم لیگ ن کے صدر میاں محمد شہباز شریف سابق فاسٹ بائولر شعیب اختر کی والدہ کی وفات پر ان کے گھر گئے۔پاکستان مسلم لیگ (ن) کے صدر اور قائد حزب اختلاف شہباز شریف کی سابق فاسٹ باؤلر شعیب اختر کے گھر کا دورہ کیا اور ان کی والدہ کی وفات پر تعزیت اور فاتحہ خوانی کی۔شہباز شریف نے مرحومہ کے درجات کی بلندی اور لواحقین کے لئے صبر جمیل کی دعا کی۔ شعیب اختر نے تعزیت کے لئے آمد پر شہباز شریف کا شکریہ ادا کیا۔لیگی صدر نے شعیب اختر سے گفتگو کرتے ہوئے کہا کہ ماں کا عظیم اور پیارا رشتہ سانجھا ہوتا ہے، آپ کے غم کو سمجھ سکتا ہوں۔
