گوجرانوالہ (نمائندہ خصوصی)ڈپٹی کمشنر دانش افضال نے ڈسٹرکٹ ایمرجنسی رسپانس کمیٹی کے اجلاس سے خطاب کرتے ہوئے کہا کہ ڈینگی وباء کے پھیلائو کا خطرہ موجود ہے، شہری اپنے گھروں میں پانی جمع ہونے کے تمام ممکنہ مقامات کی خود بھی سرویلنس اور انہیں صاف و خشک رکھیں، محکمہ صحت کی فیلڈ ٹیمیں انڈور اور آئوٹ ڈور انسدادی سرگرمیوں سے ڈینگی لاروا کی افزائش کی روک تھام یقینی بنائیں ۔ڈینگی کا مچھر یا لاروا ہمارے اطراف،گھروں، دفاتر، تعلیمی اداروں، فیکٹریوں سمیت دیگر جگہوں پر ہوسکتا ہے اور ہماری لاپرواہی، عدم توجہ اس وبائی مرض کے پھیلائو کا سبب بن سکتا ہے ۔