لاہور (لیڈی رپورٹر) لاہور کالج برائے خواتین یونیورسٹی میں 2021 میں پی ایچ ڈی مکمل کرنیوالے فیکلٹی ممبران کے اعزاز میں تقریب منعقد ہوئی۔ تقریب سے خطاب میں وائس چانسلر ایل سی ڈبلیو یو پروفیسر ڈاکٹر بشریٰ مرزا نے کہا کہ فیکلٹی ممبران کی تعلیمی ترقی ادارے کیلئے خوش آئند ہے اور2021میں تقریباً 50 فیکلٹی ممبران کا پی ایچ ڈی مکمل کرنا ایل سی ڈبلیو یو کیلئے ایک اعزاز کی بات ہے۔ تقریب میں ڈینز،ڈائریکٹرز ، ہیڈ آف ڈیپارٹمنس اور پی ایچ ڈی مکمل کرنیوالے فیکلٹی ممبران نے شرکت کی۔