لاہور(سپورٹس رپورٹر)انڈر 19 کرکٹ ورلڈکپ میں شریک بھارتی ٹیم کے 6 کھلاڑیوں کا کرونا وائرس ٹیسٹ مثبت آگیا۔ رپورٹ کے مطابق آئرلینڈ کیخلاف میچ سے قبل 6 کھلاڑیوں کا کرونا ٹیسٹ مثبت آیا ہے۔ کرونا مثبت آنے والے تمام کھلاڑیوں کو قرنطینہ کردیا گیا ہے۔ جن کھلاڑیوں کا کرونا وائرس ٹیسٹ مثبت آیا ہے ان میں کپتان یش دھل اور نائب کپتان ایس کے رشید بھی شامل ہیں۔ اتنی بڑی تعداد میں کرونا وائرس ٹیسٹ مثبت آنے کے بعد ٹیم کو ورلڈکپ میں 11 کھلاڑی کھلانا بھی مشکل ہوگیا تاہم ٹیم مکمل کرکے میچ کھیلاگیا۔