لاہور(سپورٹس رپورٹر)ایشیا کپ کی تیاری کیلئے پاکستان ہاکی فیڈریشن کے زیراہتمام 45رکنی قومی ہاکی تربیتی کیمپ نیشنل ہاکی سٹیڈیم لاہور میں جاری۔ کیمپ میں روزانہ کی بنیاد پر صبح اور شام دو سیشن میںٹریننگ کرائی جارہی ہے۔ہیڈ کوچ سیگفرائیڈ ایکمین نے کہا ہے کہ کھلاڑیوں کی دفاعی سکلز کو بہتر بنانے کیلئے کام کیا جارہا ہے۔ کیمپ کے گول کیپرز اولمپین احمد عالم کی زیرنگرانی تربیت حاصل کررہے ہیں جبکہ سابق قومی ہاکی گول کیپرز اولمپین  عمران شاہ اور عمران بٹ گول کیپرز ٹریننگ میں معاونت کررہے ہیں۔ کیمپ میں تاحال جن چار کھلاڑیوں نے رپورٹ نہیں کی ان میں علی شان، غضنفر علی، عبیداللہ بھٹو اور شاہ زیب شامل ہیں۔
 کیمپ منیجر اولمپین خواجہ جنید نے کہا کہ کھلاڑیوں نے تاحال باامر مجبوری کیمپ میں شرکت نہیں کی تاہم انہوں نے اس بارے میں مطلع کردیا ہے۔ مذکورہ کھلاڑی جلد کیمپ کو جوائن کرلیں گے۔ قومی ہاکی تربیتی کیمپ 14 فروری تک جاری رہے گا۔