قصور: قاری کے تشدد سے13سالہ طالب علم جاں بحق
قصور (نمائندہ نوائے وقت) قصور میں مدرسہ کے قاری کا 13سالہ طالب علم پر وحشیانہ تشدد کیا گیا جسے زخمی ہسپتال میں منتقل کیا گیا لیکن جانبر نہ ہوسکا۔تفصیلات کے مطابق سلامت پورہ کا رہائشی 13 سالہ شرجیل جوکہ مقامی مدرسہ میں طالبعلم تھا مدرسہ کے قاری وقاص کے وحشیانہ تشدد سے زخمی ہوگیا جسے تشویشناک حالت میں ڈسٹرکٹ ہسپتال قصور منتقل کیا گیا لیکن زخموں کی تاب نہ لاتے ہوئے گزشتہ روز دم توڑ گیا ہے۔
