10 افسر تبدیل، عمر سعید سی پی او پنڈی عمران قریشی ڈپٹی کمشنر سیالکوٹ تعینات
لاہور (سٹی رپورٹر+ نامہ نگار) 10افسروں کے تقرروتبادلے کے احکامات جاری کئے گئے۔ ایس اینڈ جی اے ڈی میں تقرری کے منتظر عمر سعید ملک کو سٹی پولیس آفیسر راولپنڈی، فلائٹ لیفٹیننٹ (ر) عمران قریشی کو ڈپٹی کمشنر سیالکوٹ اور عبید اللہ کو ڈیپوٹیشن کی بنیاد پر ایگزیکٹو ڈائریکٹر (ایڈمن اینڈ فنانس ) پنجاب گورنمنٹ ہاؤسنگ فاؤنڈیشن (PGSF) ۔ محمد ارشد ورک اسسٹنٹ کمشنر جتوئی کو تبدیل کر کے او ایس ڈی بنا دیا گیا ہے۔ انہیں ایس اینڈ جی اے ڈی میں رپورٹ کرنے کی ہدایت کی گئی ہے۔ محمد شعیب بوسن جنرل اسسٹنٹ ریونیو مظفر گڑھ کو تبدیل کر کے اسسٹنٹ کمشنر جتوئی تعینات کر دیا گیا ہے۔ ڈی پی او مظفرگڑھ محمد حسن اقبال کو ڈی پی او سیالکوٹ، ایس ایس پی انویسٹی گیشن ملتان فراز احمد کو ڈی پی او مظفر گڑھ کا ایڈیشنل چارج، ڈی پی او وہاڑی عامر عبداللہ خان نیازی کو اے آئی جی ڈویلپمنٹ سنٹرل پولیس آفس پنجاب لاہور، اے آئی جی ڈویلپمنٹ سنٹرل پولیس آفس پنجاب لاہور محمد طارق عزیز کو ڈی پی او وہاڑی تعینات کر دیا گیا۔
