پی ٹی آئی نے 74سالہ مہنگائی کا ریکارڈ توڑ دیا: اشرف بھٹی
لاہور(نامہ نگار)پیپلز پارٹی لاہور کے سینئر نائب صدر محمد اشرف بھٹی نے کہا کہ آئی ایم ایف کی فرمائش پر منی بجٹ عوام پر ناقابل برداشت کاری ضرب ہے ۔ پی ٹی آئی کی حکومت نے مہنگائی کا 74سالہ ریکارڈ توڑ دیا ہے ۔ عالمی جریدوں کی رپورٹس کے مطابق پاکستان دنیا کا چوتھا مہنگائی ترین ملک بن چکا حکومت درپیش چیلنجز سے نمٹنے کی بجائے مسائل میں اضافہ کر رہی ہے ۔ عوام کو معلوم ہی نہیں کہ انہیں کن گناہوں کی سزا مل رہی ہے ۔ پی ٹی آئی کی حکومت مکمل طور پر پٹ چکی عوام مہنگائی اور غربت سے لڑ رہے ہیں جبکہ ان کے مسلط کردہ حکومتی کھلاڑی آپس میں دست و گریبان ہیں بیروزگاری کا طوفان نوجوانوں کو طمانچے مار رہا ہے۔انہوں نے کہا کہ پی ٹی آئی کے سرمایہ داروں اور مافیاز نے 22کروڑ عوام کو یرغمال بنایا ہوا ہے۔
